“Осоусы батырлығы-мәңгелек яҙмаларҙа”

Еңеү көнөндә тыныс күк йөҙө бүләк иткән яҡташтарыбыҙҙы иҫкә алабыҙ. Уларҙың ҡаһарманлығы менән ғорурланабыҙ! Шундай Геройҙарҙың береһе- беҙҙең Илеш районының легендар летчик-штурмовигы, 22 йәшендә ике тапҡыр Советтар Союзы Геройы исеменә лайыҡ булған һоҡланғыс яҙмышлы шәхес Муса Гәрәев.
Юбилей айҡанлы районда төрлө саралар үткәрелә.
5 май көнөндә үҙәк китапханала “Осоусы батырлығы-мәңгелек яҙмаларҙа ” тигән әҙәби – ижади бәйгенең йомғаҡлау сараһы үтте һәм конкурста еңеүселәр бүләкләнде.